Қауіпсіздік

Біздің қағидаттарымыз

Жеке кеңістік қорғауда

Сіздің келісіміңізсіз ешкім сізге жеке хабарлама жаза да, қоңырау шала да алмайды. Жеке қарым-қатынасқа рұқсатты сіз өзіңіз және тек сенетін адамдарыңызға ғана ашасыз.

Танысқанға дейінгі анонимдік

Жақын жердегі адамдар сіздің атыңызды, телефон нөміріңізді және профиліңізді көрмейді. Өзіңіз туралы қашан және кімге айтатыныңызды өзіңіз шешесіз.

Жасырын бақылаудың болмауы

SeeU-де назар әрқашан ашық: карточка иесі оның әрбір қаралымын көреді. Қолданбада басқа адамды байқатпай бақылау мүмкін емес.

Қадағалаудан қорғау

SeeU сіздің жүріп-тұру тарихыңызды сақтамайды және басқа пайдаланушыларға сіздің қайда екеніңізді көрсетпейді. Қолданба жақын жердегі адамдарды табу үшін пайдаланатын мәліметтер иесіздендірілген және үнемі жаңартылып отырады.

Мерзімсіз бұғаттау

Қарым-қатынасы жағымсыз пайдаланушыны бұғаттауға болады. Одан кейін ол сіздің карточкаңызды көрмейді және сізге жаза алмайды.

Жас шектеуі

Сервис 16 жастан асқан пайдаланушыларға арналған. 16–17 жастағы пайдаланушылар оны ата-анасының немесе өзге де заңды өкілдерінің келісімімен ғана пайдалана алады. Шарттары «Жас шектеуі және балаларды қорғау» құжатында баяндалған.

Бір нәрсе дұрыс болмаса

Бұзушылық туралы хабарлаңыз. Қолданбадағы «Пожаловаться» (Шағымдану) түймесі жарияланымда, пікірде, тарихта, профильде, карточкада, жеке хат алмасудағы және бөлмедегі хабарламада, бөлменің өзінде, жиында, эфирде және Аудиотекадағы жазбада бар. Шағымдарды модераторлар қарайды; қарау тәртібі «Шағымдар, модерация және шағымдану» құжатында сипатталған.
Пайдаланушыны бұғаттаңыз. Мұны оның бетінде немесе карточкасында жасауға болады.
Бізге хабарласыңыз. Бізге қолданбадан тікелей жазуға болады: «Настройки» → «Помощь и поддержка» (Параметрлер → Көмек және қолдау). Адамның қауіпсіздігіне қатер төнсе, safety@seeu.kz мекенжайына да жазыңыз: мұндай өтініштер бірінші кезекте қаралады.

Егер біреуге тікелей қауіп төніп тұрса, дереу шұғыл қызметтерге хабарласыңыз.

112Бірыңғай құтқару қызметі
102Полиция
150Балалар мен жастарға арналған сенім телефоны

Жеке кездесулерге арналған ұсынымдар

SeeU танысуға көмектеседі, алайда кездесудің өзі қолданбадан тыс жерде өтеді. Біз қарапайым сақтық шараларын сақтауды ұсынамыз:

алғашқы кездесулерді адам көп жерде белгілеңіз;
қайда және кіммен бара жатқаныңызды жақындарыңызға айтыңыз;
үй мекенжайыңызды айтпаңыз және жеткілікті түрде танымайтын адамның көлігіне отырмаңыз;
қолданбада танысқан адамдарға ақша аудармаңыз;
өз сезіміңізге сеніңіз: бір нәрсе алаңдатса, кездесуді кез келген сәтте тоқтатуға хақыңыз бар.

Деректерді қорғау

Біз деректерді тек қорғалған байланыс арналары арқылы береміз, қызметкерлердің оларға қол жеткізуін шектейміз және оларды үшінші тұлғаларға сатпаймыз. Дербес деректерді өңдеу туралы толық мәліметтер Құпиялылық саясатында келтірілген.

Егер SeeU-де осалдық тапсаңыз, ол туралы security@seeu.kz мекенжайына хабарлаңыз. Тәртібі «Осалдық туралы хабарлау» бетінде баяндалған.